خلي هجرني تكفى ياموت زرني...

المساهمات : 254 تاريخ التسجيل : 23/05/2008

خلي هجرني تكفى ياموت زرني
وإن ماقدرت دلني مكانك وانا اجيك

مابي حياتي دام خلي هجرني
مابي حياتي دام يقول مابيك

يدري بظلم الناس يدري وظلمني
وأكد كلام الي يقولون ناسيك

لكن قبل لاتاخذالروح مني
بسأل حبيبي كم سؤال واخاويك

وشلون قلبك ياحبيبي تركني
وتدري خفوقي كم له سنين هوايك

وماتدري بعادك وصدك وذبحني
وماتدري عن دمع نثرته وانا ارجيك

اسأل جميع الناس وش صارعني
اسأل وش الي صارفي حال مغليك

لوعاش عاقل عيشته كان جني
حالي لوتشوفه بعينك يبكيك

لوعلموك وش كثر قهري وحزني
من يوم حبي انتهى وصارماضيك

لوعلموك عن قلبي الي وني
مطعون يصرخ يشتكلك يناديك

صارالحزن هولعبتي صار فني
ابكي ندم والله إلىحال طاريك

ضيقة صدروياه الهموم اسكنتني
احكي واكمل والاماقلت يكفيك

الي سمعته بسبتك انت جتني
عطيتني كرهك وانا الحب معطيك

ضاعت سنيني وانا بالحب ابني
قصور وانهدت فعلت يديك

جاك الوفا والحب والعشق مني
حتى الوله والشوق والصدق مهديك

قلبي وفالك وانت قلبك خدعني
خدعة قلب كان بالحب شاريك

كذب وخيانة وغدروقلبك حضني
في وقت قلبي يسهريداريك

ماكنت اظن قصدك بحبك تذلني
ذليتني من عقب مامت انا فيك

هذي حقيقة بعض ما منك جتني
وبعض الذي اسقيتني سم بيديك

ماكنت ساكت خايف بس لاني
ميت حبك ماقدرازعلك واشقيك

حرمت اقولك من محبتك عطني
مادام غيري في محبتك مرضيك

بابعدبعيدواوعدك ماحني
ابشر اببعدومع حبيبك بخليك

وابي مماتي ياخذالروح مني
تاركلك الدنيا بالله يهنيك

وليا سأل في يوم انا انسان عني
قله توفى والسبب طعن بيديك

تحياااااتي