ليه تبعد - للشاعر مطلق النومسي

المساهمات : 60 تاريخ التسجيل : 05/06/2008

ليه تبعد وانت قربك يوم عيد
وليه ترخصني وانا مغليك يا سمح الجناب

ليه تقسى وانت لين والقسى همك بعيد
وليه فصلت لجمودك من شرايني ثياب

وليه فجاءة تنسحب من دون شرط ومن دون قيد
وليه تلغي ما يسمونه شروط الانسحاب

وليه وليه تترك ظنك الظالم على راسى يذيب
وليه ما واجهتني وخذت من راسى جواب

وليه غبت وليه رحت وليه تتركني وحيد
وليه ما حنيت قلبي من كوابيس الغياب

ما دريت انك وريد الدم او دم الوريد
يعني العيشه بدونك ثامن السبع العجاب

يعني معقوله ما تدري لا لا لا شئ اكيد
انت تدري بس وش سر الانقلاب

الله اكبر ما انت خابر ليله العمر السعيد
يوم كنا نكتب الذكرى على غلاف الكتاب

وين كنا وين صرنا وليش والا ليه اعيد
المشكله غاب وبعد كل ما يذكرني فيه غاب

لا سؤال ولا وصال ولا اتصال ولا بريد
حال يكسر خاطر الميت وهو تحت التراب

منت والله مستفيد ولاني والله مستفيد
ما كسبت الا عذاب ولا كسبت الا عذاب

والاكيد اللى عليه احلف واقول انه اكيد
ان قلبي من فراقك ذاب وذاب وذاب

مشكور على التميز